Wednesday, October 15, 2008

இஞ்சி தீயல்


தேவையான பொருட்கள் :

இஞ்சி சிறிதாக நறுக்கியது - 1 கப்

தேங்காய் துருவல் - 1/2 கப்

மஞ்சள் - 1 டீ ஸ்பூன்

மிளகாய் தூள் - 1/2 டேபிள் ஸ்பூன்

மல்லித் தூள் - 2 டேபிள் ஸ்பூன்

சீரகம் - 1/2 டேபிள் ஸ்பூன்

பூண்டு - 3 பல்

புளி - எலுமிச்சை அளவு

எண்ணெய் - தேவைக்கு

உப்பு - தேவைக்கு

கடுகு - சிறிது

கறிவேப்பிலை - சிறிது

செய்முறை :

புளியை 3/4 கப் நீரில் ஊற வைக்கவும். ஒரு வாணலியில் சிறிது எண்ணெய் விட்டு நறுக்கிய இஞ்சி துண்டுகளைச் சேர்த்து பொன்னிறமாகும் வரை வதக்கி தனியாக வைக்கவும். ஒரு வாணலியில் எண்ணெய் சேர்க்காமல் தேங்காய் துருவலை போட்டு பொன்னிறமாகும் வரை வறுக்கவும். வறுத்த தேங்காய், வறுத்த இஞ்சி, சீரகம், மஞ்சள், மிளகாய் தூள், மல்லித் தூள், பூண்டு சேர்த்து நன்றாக அரைத்துக் கொள்ளவும். வாணலியை அடுப்பில் வைத்து எண்ணெய் விட்டு கடுகு தாளிக்கவும். பின்பு கறிவேப்பிலை சேர்க்கவும். அதனுடன் அரைத்து வைத்துள்ள கலவையைச் சேர்க்கவும். அதனுடன் புளிக் கரைசலைச் சேர்த்து உப்பையும் சேர்க்கவும். இந்த கலவை கொதிக்கும் வரை தீயை அதிகமாக வைக்கவும். கொதித்த பின்பு தீயைக் குறைத்து வைக்கவும். தீயல் நன்றாக வற்றி வரும் போது ( குழம்பு பதத்தில் இல்லாமல் சிறிது கெட்டியாயாக ) தீயை அணைத்து விடவும். இந்தத் தீயல் சாதத்துடன் சாப்பிட ஏற்ற ஒரு கூட்டு. இஞ்சியின் கசப்பு சுவை தெரிந்தால் சிறிது புளி கரைசல் சேர்த்துக் கொள்ளவும். காய்கறி

Tuesday, September 23, 2008

சுறா மீன் புட்டு :


சுறா மீன் புட்டு முதல் முறையாக செய்தேன். இல்லத்தரசி அவர்களின் செய்முறையைப் பார்த்து செய்தேன். மிகவும் ருசியாக இருந்தது. இல்லத்தரசியின் செய்முறை இங்கே.

தேவையான பொருட்கள் :

சுறா மீன் துண்டு - 300 கிராம்

வெங்காயம் ( பொடியாக நறுக்கியது ) - 3 அல்லது 4

பூண்டு ( பொடியாக நறுக்கியது ) - 6 பல்

பச்சை மிளகாய் - 3

கறிவேப்பிலை - சிறிது

மல்லித் தழை - சிறிது

முழு உளுந்து - 1 டீ ஸ்பூன்

கடுகு - 1/2 டீ ஸ்பூன்

மஞ்சள் தூள் - சிறிது

சீரகம் - 1/2 டீ ஸ்பூன்

உப்பு - தேவைக்கு

எண்ணெய் - 2 டேபிள் ஸ்பூன்

செய்முறை:

சுறா மீன் துண்டுகளை சூடான நீரில் போட்டு 10-15 நிமிடங்கள் வேக வைக்கவும். அதனுடன் மஞ்சள் சேர்க்கவும். மீன் துண்டுகள் வெள்ளை நிறத்தில் மாறிவிட்டால் அது வெந்து விட்டது என்று அர்த்தம். மீன் துண்டுகளை தனியாக எடுத்து பரலாக/ உதிரியாக உதிர்த்து வைக்கவும்.


கடாயை சூடாக்கவும். அதில் எண்ணெய் விட்டு கடுகு தாளித்து பின்பு முழு உளுந்து மற்றும் சீரகம் சேர்த்து வறுக்கவும். அதனுடன் பூண்டு, பச்சை மிளகாய், கறிவேப்பிலை சேர்த்து வதக்கவும். நறுக்கி வைத்துள்ள வெங்காயத்தை அதனுடன் சேர்த்து பொன்னிறமாகும் வரை வதக்கவும். உதிர்த்து வைத்துள்ள சுறா மீனை அத்துடன் சேர்த்து ஐந்து நிமிடங்கள் கிளறவும். உப்பு சேர்த்து ஐந்து முதல் பத்து நிமிடங்கள் அடுப்பில் வைத்திருக்கவும். நறுக்கி வைத்துள்ள மல்லித் தழை சேர்த்து பரிமாறவும்.

Sunday, September 14, 2008

முட்டை தொக்கு:


தேவையான பொருட்கள்:

முட்டை - 2 எண்ணம்

வெங்காயம் - 1

தக்காளி - 1

பூண்டு - 2 பல்

இஞ்சி - சிறிய துண்டு

மிளகாய் தூள் - 1/2 டேபிள் ஸ்பூன்

தனியா தூள் - 1 1/2 டேபிள் ஸ்பூன்

மஞ்சள் தூள் - 1 டீஸ்பூன்

கரம் மசாலா - 1/2 டேபிள் ஸ்பூன்

கறிவேப்பிலை - சிறிது

மல்லித் தழை - சிறிது

உப்பு - தேவைக்கு

எண்ணெய் - தேவைக்கு

கடுகு - 1/2 டேபிள் ஸ்பூன்

செய்முறை :

முட்டைகளை வேக வைத்து தோல் நீக்கவும். தக்காளியை நறுக்கிக் கொள்ளவும். வெங்காயம், பூண்டு இவற்றை நீள வாக்கில் நறுக்கவும். இஞ்சியை பொடியாக நறுக்கவும். மல்லித் தழையையும் பொடியாக நறுக்கவும். கடாயை அடுப்பில் வைத்து சூடானதும் எண்ணெய் விட்டு கடுகு தாளிக்கவும். பின்பு கறிவேப்பிலையை சேர்க்கவும். அதனுடன் வெங்காயத்தைச் சேர்த்து வதக்கவும். வெங்காயம் நன்கு வதங்கியவுடன் தக்காளியைச் சேர்த்து வதக்கவும். பின்பு நறுக்கி வைத்துள்ள இஞ்சி, பூண்டைச் சேர்த்து வதக்கவும். சிறிது வதங்கிய பின்பு மஞ்சள் தூள், மிளகாய்த் தூள், மல்லித் தூள், கரம் மசாலா சேர்த்து வதக்கவும். அதனுடன் உப்பு சேர்த்து நன்கு வேகும் வரை மிதமான தீயில் வைக்கவும். நன்கு வெந்தபிறகு தீயை அணைத்து விட்டு வேக வைத்த முட்டைகளை ஒரு சில இடங்களில் கீறி வேக வைத்த கலவையுடன் சேர்க்கவும். முட்டைகளை ஒரு சில இடங்களில் கீறினால் தான் மசாலா முட்டையின் உள் சென்று சாப்பிடும் பொது நன்றாக இருக்கும். இறுதியில் நறுக்கிய மல்லித் தழையைச் சேர்த்து பரிமாறவும்.
இந்த முட்டை தொக்கு ஆப்பம், சப்பாத்தி, சாதம் போன்றவைகளுடன் சாப்பிட நன்றாக இருக்கும்.

Thursday, August 28, 2008

தக்காளித் திருவிழா:

தினமலர் நாளிதழில் வெளிவந்திருந்த, ஸ்பெயினில் நடைபெற்ற தக்காளித் திருவிழா புகைப்படங்களைப் பார்த்த போது எனக்கு மிகவும் வித்தியாசமாகவும் விநோதமாகவும் தோன்றியது. அந்தப் புகைப்படங்கள் உங்கள் பார்வைக்கு.



Wednesday, August 13, 2008

தித்திக்கும் தேன்

தேனை விரும்பாதோர் இல்லை. பொதுவாக இனிப்பு உடலுக்கு தீங்கானது என்பதை நாம் அறிவோம். ஆனால் தேன் இனிப்பு சுவை உடையதாக தெரிந்தாலும் உண்மையில் அது காரத் தன்மை கொண்டது. தேனில் 80% காரம் மற்றும் 20% அமிலம் கலந்து உள்ளது. தேனை அருந்தியவுடனே அது இரத்தத்தில் கலக்கும். விளையாட்டுத் துறை அன்பர்கள் இழந்த சக்திகளை உடனடியாக மீட்டுத்தரும் வல்லமை தேனில் உள்ளது. கழிவே இல்லாத உணவு தேன்.

தேன் பல்வேறு மருத்துவக் குணங்களைக் கொண்டுள்ளது. கண் ஒளியைக் கூட்டும் சக்தி தேனில் உள்ளது. உடல் பருமன், தொப்பை உடையவர்கள் சுடு தண்ணீரில் எலுமிச்சை பழச் சாறுடன் தேன் கலந்து காலை வேளையில் அருந்தி வர நல்ல பலன் கிடைக்கும். நோஞ்சான் அன்பர்கள் தேனை தினமும் இரவு பாலுடன் அல்லது நீரில் கலந்து அருந்தி வர உடல் எடை பெறுவர். இதயம், ஈரல் போன்றவை பலம் பெறும். நோயாளிகள், சிறுவர்களுக்கு ஏற்ற உணவு இந்த தேன்.

தேனை எவ்வாறு சாப்பிட வேண்டும், எவற்றுடன் தேன் சேரக்கூடாது என்பதை இனி பார்க்கலாம்.
* தேனை மட்டும் தனியாக உறிஞ்சி சாப்பிடக்கூடாது.
* தண்ணீரில் அல்லது பழச்சாறுகளில் கலந்து தான் சாபிடவேண்டும்.
* தேன் சூடானால் சத்துக்களை இழந்து விடும். எனவே தேனை சூடாக்கக்கூடாது.
* தேனும் நெய்யும் கலக்கக்கூடாது. கலந்தால் நஞ்சாகும்.
* தேனும் முட்டையும் கலக்கக்கூடாது.
* தேனும் சீனியும் கலக்கக்கூடாது.

அவார்ட்:

ஸ்ரீப்ரியா அவர்கள் " Rocking Girl Blogger " அவார்ட் கொடுத்துள்ளார்கள். அவர்களுக்கு மிக்க நன்றி !!!! நான் இந்த அவார்டை இல்லத்தரசி அவர்களுக்கு அளிக்க விரும்புகிறேன்.

Wednesday, July 30, 2008

செயற்கை மலர்கள்


"Quilling" முறையில் இல்லத்தரசி அவர்கள் செயற்கை மலர்கள் எவ்வாறு செய்ய வேண்டும் என்று ""My Creations" என்ற வலைப் பூவில் பதிவிட்டிருந்தார்கள். அதைப் பார்த்து செய்த மலர்கள் இவை. இந்த மலர்கள் இல்லத்தரசியின் "Flower Collections" க்காக செய்யப்பட்டவை.

Friday, July 25, 2008

Blogging Forever Friend Award


Illatharasi has given me "Blogging Forever Friend" award.

She is a creative woman (her creations are here) & a wonderful cook. (her recepies are here)

The following rules apply to this award:

1. Only 5 people are allowed to receive this award
2. 4 of them followers of your blog.
3. One has to be new to your blog and live in another part of the world.
4. You must link back to who ever gave you the award.

I would like to pass this award to

Sathiya

Prema

Illatharasi

and

Sripriya from London. She is new to my blog

Magic Lamp of Luck :

Sripriya has passed "The Magic Lamp of Luck" to me. Thanks to Sripriya.




* Start Copy Here*

1. Add your site(s) to the list once you have received the Magic Lamp of Luck.

2. Pass on the Magic Lamp of Luck to as many people as you like. After all, everyone needs some good luck!

3. Leave a comment HERE once you’ve passed on the Magic Lamp of Luck. Once the Genie King and Genie Princess have visited your site to make sure your links are complete and proper, you will then be added to the Master List.

4. To ensure everyone receives equal link benefit, please UPDATE your list regularly!

1-Mariuca 2-First Time Dad 3-Mariuca's Perfume Gallery 4-Emila's Illustrated Blog 5-The Other Side of Emila 6-My Sweet Escape 7-Bay Head Blog 8-Roxiticus Desperate Housewives 9-LadyJava's Lounge 10-Petty Ramblings of a Petty Queen 11-The Real Deal 12-Pinay Mommy Online 13-Perpustakaan 14-LadyJava Life's Pages 15-Make Money Online 16-Cat Tales 17-LadyJava's Food Paradise 18-Being Woman 19-Spicybug 20-Biz-N-Honey 21-Aeirin's Collections 22-Sasha Says 23-Project Heavy Traffic 24-Picture Clusters 25-My Wanderings 26-Maiylah's Snippets 27-Moments of Colours 28-Life Quest 29-BigMoneyList 30-The Best Parts 31-Morphed 32-Buhay Pinoy 33-Galatayo 34-Blogging Tips 35-Apples Of The Eyes 36-My Own Utopia 37-Sasha's Corner 38-Under One Roof 39-Say Cheese 40-A Great Pleasure 41-A Life in Bloom 42-Because Life is a Blessing 43-Digiscraptology 44-Xixi 45-Ode to Adrienne 46-CrankyDave 47-Simple Life 48-Dew Drops 49-The Journey 50-Mastering Your PC 51-Day Break 52-A Little Girl Talk 53-Mom Knows Everything 54-Day to Day 55-1 of a Kind Wis 56-It's a woman's world! 57-Breather 58-Photo Hook 59-Letterbox 60-Asian Mutt International 61-Dream Doe Philosophy 62-MommyAlehs Up-Close And Personal 63-Livin' the Life! 64-Restnrileks 65-English Corner 66-English Grammar 67-Bodybuilding & Fitness 68-Everything you need 69-One Stop Games 70-Blockbluster Movie Trailers 71-Bodybuilding & Human Growth Hormone 72-World of Tennis 73-Men's Health & Tips 74-Internet Marketing Strategy & Tips 75-Latest Technology 76-Tentang Binaraga 77-Berita Seputar Selebriti 78-Panduan Kesehatan 79-Insurance For You 80-Crissy's Zone 81-Crissy's Library 82-Crissy's Haven 83-sHeNzEe's wOrLd 84-Voice Of The Spirit 85-Best Cuisine Recipes 86-Stand My Ground 87-SeeNRead 88-This Is A Miracle 89-I AM KCAT 90-Traipsey Turvey 91-GBeX & DOm 92-Spun By A Seanachie 93-ISL Family 94-D' Cooking Mudra 95-'Story' the Great 96-UmmiRosma 97-Munirah Abd 98-Atie 99-Hit-or-Miss 100-Twisted Sister 101-Laketrees Artist 102-Blessed Sanctuary 103-Comedy Plus 104-Blogging By Sandee 105-Living Life to the Fullest 106-Speech-Less 107-Happy Life 108-My Discoveries 109-Strangely Out Of Place 110-Rooms of My Heart 111-The Paper Vision 112-Luxurious Retreats 113-Reef 114-Weekend Snapshot 115-Blessie's Finds 116-Confessions of An Army Wife 117-My Pooch Life 118-Five Martini Lunch 119-TIPS FROM THE TRAILER 120-PoeARTica 121-STAY AT HOME MOM 122-Rantings of a Woman 123-Sjtl's Weblog 124-Turn-u-Off 125-My World in My Own Word 126-Shawie 127-A New Saga 128-Janeth Vicy's Life Journey 129-Simple Reveries 130-Berry Blog 131-Touts4u 132-My So Called Life 133-La Vida es Hermosa 134-Speedcat Hollydale Page 135-mangosteenskin 136-Choc Mint Girl 137-Of Colors And Styles 138-Pinaymama's Diary 139-My Life's Rollercoaster Ride 140-My Life...My Journey! 141-Bonoriau 142-Jenny and Belle 143-Read My Mind 144-A Sweet Taste Of Life 145-Shopping Blog 146-Precious Moments 147-Feydakin 148-Hot Shit Form Here 149-A Mother's Simple Thoughts 150-Daily Ramblings Rendezvous 151-Miss Moneypenny's Comical Posts Undercover 152-My Precious Niche 153-FunFierceFabulous 154-Colorful World of Shiela 155-Me,myself+2 156-Ozzy's Mom 157-Let's talk about MJ 158-Great people make us feel we can become great 159-A Family Man 160-Just the way it is... 161-In Depth 162-Attitude, the ULTIMATE POWER 163-Are You Grateful? 164-Complain Complain Complain 165-My Little Black Pot 166-Notes By Marvic 167-Aku Pelukis 168-Jiwasintetik 169-Foster Me Up 170-Life: Thoughts & Inspirations 171-The Callalily Space 172-Mommyhood and Me 173-Bits and Pieces 174-La Place de Cherie 175-Through The Rain 176-Blogfixes 177-New England Lighthouse Treasures 178-Chez Francine 179-Tsinay 180-Hailey's Domain 181-Hailey's Beats and Bits 182-My So-Called Life 183-PinayWAHM 184-Rusin Roundup 185-Sweet Temptation 186-Lynn's Chic Spot 187-Kai Kriye 188-LiLo n StiTcH 189-Lights and Shade 190-Easycrafts 191-Ideasmoney 192-My creations 193-Sukanya-hobbiesandcrafts 194-My Kraft 195-Adam: @geNda iNsPiRaSi 196-The Working Mom 197-My Touch Of Heaven 198-Her Name is N.O.Y. 199-Fida Abbott 200-Hesitant Wife's Blog 201-Blogging For Fun 202-Paint Your Life 203-Spicybugz World 204-Colin From Life 205-Ramblings of The Phat 206-AngelBaby from Your Caring Angels 207-Creative Saga 208-Indian Khana 209-Me and My Kitchen 210-Mom's Recipies 211-Mom's Cooking 212-Cooking Station 213-Simple Indian Food 214-Rekha's Kitchen 215-SuperNova & SweetPain 216-My Sweet Haven 217-scrapbook newbie 218-Miyyah@Kertas 219-funfliffy 220-AyangLina 221-A Room of Crazy Scrapper 222-srikars kitchen 223-Purva's Daawat 224-Recipe Center 225-Veg Inspirations 226-Little Mermaid 227-Meendum Santhipoom 228-Ranji's kitchen corner 229-En Vittu Virundhu 230-What's on the menu? 231-Dancing in Midlife Tune 232- YOU Next!

* End Copy Here*

I would like to pass The MAGIC LAMP OF LUCK to

Prema

Illatharasi

Tuesday, July 22, 2008

உபயோகமான சில சமையல் குறிப்புகள்

சில சமையல் குறிப்புகள் நமக்கு மிகவும் உபயோகமானதாக இருக்கும். அந்த சமையல் குறிப்புகளை எல்லாம் தொகுத்து இங்கு வழங்கியுள்ளேன். இவை படித்ததில் பிடித்தது. நானும் இனிமேல் தான் உபயோகப்படுத்திப் பார்க்க வேண்டும்.
* புதிதாய் அரைத்த தோசை மாவில் உடனே தோசை ஊற்றினால் தோசை சுவையாக இருக்காது. அந்த மாவில் புளித்த தயிர் ஊற்றி 10 நிமிடங்கள் கழித்து ஊற்றினால் தோசை மொறு மொறுவென்று இருக்கும்.

* கட்லட் செய்யும் போது பிரட்தூள் இல்லாவிட்டால் அதற்கு பதில் ரவையை நெய்யில் வறுத்து விட்டு உபயோகிக்கலாம்.

* தயிர் சாதத்தில் கடுகுக்கு பதில் ஓமம் சேர்த்து தாளித்தால் மணமாகவும், சுவையாகவும் இருக்கும். இது அஜீரணத்திற்கு நல்லது.

* சேப்பங்கிழங்கு, கத்திரிக்காய் இவற்றை வதக்கும் போது கொஞ்சம் கடலை மாவைத் தூவி வதக்குங்கள். கொழகொழவென்று சேராமல் சிவந்து முறுமுறுவென்று ஆகும். எண்ணெயும் அதிகம் வேண்டாம்.

* பருப்பு வேக வைக்கும் போது சிறிதளவு எண்ணெயையோ அல்லது இரண்டு பல் பூண்டையோ போட்டால் பருப்பு வெகுவிரைவில் வெந்து விடும்.

* பச்சை பட்டாணியை வேக வைக்கும் போது ஒரு தேக்கரண்டி சர்க்கரையும் சேருங்கள். ஓன்று போல் பட்டாணி வேகும். அதன் நிறமும் மங்காது.

* பாலை உறைக்கு ஊற்றும் போது அதில் கொஞ்சம் அரிசிக்கஞ்சியை கலந்தால் பெயர்த்து எடுக்கும்படி கெட்டித் தயிராக மாறிவிடும். ( இப்போ எங்கேங்க அரிசிக்கஞ்சி?????? எல்லாமே ரைஸ் குக்கர் மயம் தானே?????? )

* குழம்பு தண்ணியாக இருந்தால் அதில் ஒரு டீஸ்பூன் சோளமாவை, கால் டம்ளர் தண்ணீரில் கரைத்து ஊற்றி கொதிக்க விடவும். குழம்பு கெட்டியாகி விடும்.

*உளுந்து சாதம் (BlackGramDhalRice) செய்யும் போது குக்கரில் செய்வதை விட 
மண்பானையில்செய்தால் மிகவும் ருசியாகவும் நன்கு குழைந்து 
வெண்பொங்கல் பதத்தில்நன்றாக வரும்.உளுந்து சாதம் செய்முறை இங்கே பார்க்கவும்.

Thursday, July 17, 2008

சென்னா கூனி (Baby Shrimp) பொரியல் :-

சென்னா கூனியை விரும்பாத ஆட்கள் கிடையாது. சில காலங்களில் மட்டுமே கிடைக்கும் இந்த சென்னா கூனி சிறிய இறால் வகையைச் சார்ந்தது. சென்னா கூனியை முருங்கை இலையுடன் சேர்த்து சமைப்பது தான் எங்கள் ஊர் வழக்கம். முருங்கை இலை இரும்புச்சத்துக்கு பெயர் போனது. முருங்கை இலை பொரியல் சிறிது கடுப்பு தன்மை கொண்டதால் சிலர் அதை விரும்பமாட்டார்கள். அப்படிப்பட்டவர்களுக்கு சென்னா கூனியும் முருங்கை இலையும் சேர்த்து பொரியல் செய்து கொடுத்தால் விரும்பி உண்பார்கள். முருங்கை இலையின் கடுப்பும் தெரியாது அதே சமயத்தில் இது மிகுந்த சத்தானதும் கூட.


தேவையான பொருட்கள் :

சென்னா கூனி - 250 கிராம்

முருங்கை இலை(உருவியது) - 1 1/2 கப்

தேங்காய் (துருவியது) - 1/2 கப்

சின்ன வெங்காயம் - 15

மிளகாய் தூள் - 1/2 டேபிள் ஸ்பூன்

மஞ்சள் தூள் - 1 டீ ஸ்பூன்

சீரகம் - 1/2 டேபிள் ஸ்பூன்

எண்ணெய் - 1 டேபிள் ஸ்பூன்

கடுகு - சிறிது

கறிவேப்பிலை - சிறிது

உப்பு - தேவைக்கு

செய்முறை:

சென்னா கூனியை கழுவி சுத்தம் செய்து கொள்ளவும். சின்ன வெங்காயத்தை பொடியாக நறுக்கிக்கொள்ளவும். தேங்காய், இரு சின்ன வெங்காயம், சீரகம், மிளகாய் தூள், மஞ்சள் தூள் சேர்த்து பரலாக அரைத்துக் கொள்ளவும். வாணலியில் எண்ணெய் விட்டு கடுகு தாளித்து கறிவேப்பிலை சேர்த்து பின்பு நறுக்கி வைத்துள்ள சின்ன வெங்காயத்தைச் சேர்க்கவும். வெங்காயம் சிறிது வதங்கிய பின் சென்னா கூனி மற்றும் முருங்கை இலையைச் சேர்க்கவும். இரண்டு நிமிடங்கள் வதக்கவும். பின்பு அரைத்து வைத்துள்ள தேங்காய் கலவை மற்றும் உப்பு சேர்த்து கிளறவும். இரண்டு நிமிடங்கள் கிளறவும். பின்பு வாணலியை மூடி வைத்து தீயை மெலிதாக வைக்கவும். இடைஇடையே கிளறி விடவும். 15 நிமிடங்கள் அடுப்பில் வைத்திருக்கவும். கூனி வறண்டு நல்ல மணம் கொடுக்கும். அப்பொழுது தீயை அணைத்து விடவும். சாதத்துடன் பரிமாற கூனி தயார். மீன்

Friday, July 11, 2008

மீன் குழம்பு (Fish Curry) :-


கடற்கரை மாவட்டம் என்பதாலோ என்னவோ கன்னியாகுமரி மக்கள் அனைவரும் விரும்பி உண்ணும் ஒரு உணவு மீன். கன்னியாகுமரி மாவட்டத்தில் செய்யப்படும் உணவுகளில் தேங்காய் மிகவும் பயன்படுத்தப்படுகிறது. ஒவ்வொரு மாநிலத்திலும் ஒவ்வொரு வகையான சமையல் செய்யப்படுகிறது. அதைப் போன்றே தமிழ் நாட்டிலும் ஒவ்வொரு மாவாட்டத்திலும் வித்தியாசமான சமையல் செய்யப்படுகிறது. இந்த மீன் குழம்பு கன்னியாகுமரி மாவட்டத்தில் செய்யப்படும் சமையல் வகையாகும். இனி இந்த மீன் குழம்பு செய்ய தேவையான பொருட்கள் மற்றும் செய்முறை பற்றி பார்க்கலாம்.

தேவையான பொருட்கள் :
மீன் - 500gms
தேங்காய் - 3/4 கப்
சின்ன வெங்காயம் - 4
பூண்டு - 5 பல்
சீரகம் - 1/2 டேபிள் ஸ்பூன்
மிளகு - 1/2 டேபிள் ஸ்பூன்
வெந்தயம் - 1/2 டேபிள் ஸ்பூன்
ஓமம் - 1/4 டேபிள் ஸ்பூன்
தனியா தூள் - 4 டேபிள் ஸ்பூன்
மிளகாய் தூள் - 2 டேபிள் ஸ்பூன்
மஞ்சள் தூள் - 1டீ ஸ்பூன்
புளி - நெல்லிக்காய் அளவு
உப்பு - தேவைக்கு
கடுகு - 1/2 டேபிள் ஸ்பூன்
பச்சை மிளகாய் - 2
கறிவேப்பிலை - சிறிது

செய்முறை :
மீனைக் கழுவி சுத்தம் செய்து அதைத் துண்டுகளாக்கிக் கொள்ளவும். புளியை 1/2 கப் நீரில் ஊற வைக்கவும். தேங்காயுடன் சின்ன வெங்காயம், பூண்டு, சீரகம், மிளகு, வெந்தயம், ஓமம், தனியா தூள், மிளகாய் தூள், மஞ்சள் தூள் இவற்றை சேர்த்து அரைத்துக் கொள்ளவும். சுத்தம் செய்து துண்டுகளாக்கி வைத்திருக்கும் மீனுடன் அரைத்த கலவையை சேர்க்கவும். அதனுடன் ஊற வைத்திருக்கும் புளியைக் கரைத்து வடிகட்டிய நீர், 1 1/2 கப் நீர் மற்றும் உப்பைச் சேர்த்து அடுப்பில் வைக்கவும். கொதிக்கும் வரை தீயை நன்கு வைத்து கொதித்த பின்பு தீயை குறைத்து வைக்கவும். குறைந்தது 20 நிமிடங்கள் மிதமான தீயில் வைக்கவும். குழம்பு வற்றி வரும் போது தீயை அணைத்து விடவும். வாணலியில் எண்ணெய் விட்டு கடுகு தாளித்து கறிவேப்பிலை, பச்சை மிளகாய் சேர்த்து குழம்பில் சேர்க்கவும். மீன் குழம்பு தயார்.

Sunday, July 6, 2008

புதுப் பொலிவுடன்.....

வலைப் பூவின் அமைப்பை மாற்றி அமைத்து புதுப் பொலிவுடன் அமைத்தாகிவிட்டது. வலைப் பூவின் அமைப்பு புதுப் பொலிவு பெற்றது போல வலைப் பூவில் பதிவிடும் பதிவுகளும் புதுப் பொலிவுடன் அமையும் என்பதில் எவ்வித ஐயமும்மில்லை. ஆரோக்கிய குறிப்புகள், அழகுக்குறிப்புகளுடன் எனக்கு தெரிந்த சமையல் வகைகளையும் பதிவிடலாம் என்றிருக்கிறேன்.

Thursday, July 3, 2008

அத்திப்பழத்தின் சிறப்பு :


இன்றைய இள வயதினரிடையே காணப்படும் மிகப் பரவலான நோய் ரத்தசோகை எனப்படும் ரத்தக்குறைபாடு. இதற்கு காரணம் தவறான உணவு பழக்க வழக்கங்களே. உப்பு, புளிப்பு, காரம் மிகுந்த உணவுகளும் அளவிற்கு அதிகமான மது பழக்கமும் ரத்தசோகையை ஏற்படுத்தும். இந்நோய் ஏற்படாமல் இருக்கவும் , இந்நோய் பாதிக்கப்பட்டவர்களுக்கும் அத்திப்பழம் சிறந்த மருந்தாகிறது. உலர்ந்த அத்திப்பழம் அதிக மருத்துவ குணம் வாய்ந்தது. ரத்தத்தை சுத்தப்படுத்தி அதிகரிக்கச் செய்கிறது.

அத்திபழத்தில் இரும்புச்சத்து ஒரு கிராம் அளவு உள்ளது. கால்சியம், மற்றும் பாஸ்பரஸ் தாதுக்களும் நிறைந்து உள்ளதால், எலும்பு வளர்ச்சிக்கும், பலத்திற்கும் உதவுகிறது. இளம் பெண்கள் முதற்கொண்டு மாதவிடாய் காலம் முடிவுறும் நிலையில் உள்ள பெண்கள் வரை தினம் அத்திப்பழத்தை இரவு நீரில் ஊற வைத்து காலை எழுந்தவுடன் நீரை குடித்து பழத்தை மென்று சாப்பிட மாதவிடாய் சம்பந்தப்பட்ட கோளாறுகள் நீங்கும். கருத்தரிப்பில் உண்டாகும் பிரச்சினைகள் அகலும். கர்ப்ப காலங்களில் பல பெண்களுக்கு மலச்சிக்கல் ஏற்படும். அவர்கள் தினம் ஊற வைத்த அத்திபழம் சாப்பிடுவதால் மலச்சிக்கல் நீங்குவதுடன் உடலுக்கு வேண்டிய தாதுவையும் எளிதாக பெறமுடியும். சரிவர பசி எடுக்காத குழந்தைகளுக்கு இதை கொடுக்க அவர்கள் பசி எடுத்து உண்பார்கள். சுறுசுறுப்பாக இயங்குவார்கள். நாட்பட்ட வறட்டு இருமல் உள்ள குழந்தைகளுக்கும் கொடுக்கலாம்.

அவார்ட்:

"You make my day" என்ற அவார்டை இல்லத்தரசி அவர்கள் நமக்கு கொடுத்துள்ளார்கள். அவர்களுக்கு மிக்க நன்றி!!! இந்த அவார்டை நான் இல்லத்தரசிக்கே வழங்குகிறேன். இல்லத்தரசியின் இந்த ஊக்கத்திற்கு நன்றி.

Wednesday, July 2, 2008

அவார்ட் ஆப் பிரெண்ட்ஷிப்


இல்லத்தரசி அவர்கள் " அவார்ட் ஆப் பிரெண்ட்ஷிப் " கொடுத்துள்ளார்கள். அவர்களுக்கு மிக்க நன்றி சொல்வதில் பெரும் மகிழ்ச்சி அடைகிறேன். அவர்கள் மேலும் பல அவார்டுகள் பெற வேண்டும் என்று வாழ்த்துகிறேன். நான் இந்த அவார்டை எனக்கு நெருங்கிய தோழியான இல்லத்தரசிக்கு தருவதில் மகிழ்ச்சி அடைகிறேன். இல்லத்தரசி எனக்கு பலவிதங்களில் ஊக்கம் கொடுத்துள்ளார்கள். அவர்களிடமிருந்து பல நல்ல விசயங்களைக் கற்றுள்ளேன். இல்லத்தரசி உண்மையிலே ஒரு பல் திறன் கொண்ட பெண்மணி. அவர்கள் எனக்கு தோழியாக கிடைத்ததில் நான் மிகவும் மகிழ்ச்சி அடைகிறேன். நன்றி இல்லத்தரசி!!!!!!!!!!

Thursday, June 19, 2008

:*::::::*::::::::*: ஓவியம் :*::::::::*::::::::*:

ஓவியம் வரைவது எனக்கு மிகவும் பிடித்தமான ஓன்று. மிகவும் பிடித்தமான ஓன்று என்றாலும் நான் இதுவரை நிறைய படங்கள் வரைந்துவிடவில்லை. திருமணத்திற்கு முன்பு நான் வரைந்த படங்கள் இன்னும் என் பெற்றோரின் வீட்டில் இருக்கிறது. முன்பு வரைந்த படங்கள் பேப்பர், பென்சில், வண்ணங்கள் போன்றவற்றை பயன்படுத்தி வரைந்தேன். திருமணத்திற்கு பிறகு ஓவியம் வரையும் பழக்கத்தை தொடர, அதுவும் கம்பியூட்டரில் Paint Brush ல் படம் வரைய காரணமாக அமைந்தவர் எனது உறவுக்காற சிறுவன். அவனுக்கு வண்ணத்துப் பூச்சி என்றால் மிகவும் பிடிக்கும். ஒரு நாள் ஒரு வண்ணத்துப் பூச்சியின் படத்தைக் கொண்டு வந்து அதைப் போன்று கம்பியூட்டரில் Paint Brush ல் வரையுமாறு கேட்டான். நான் அவனிடம் இந்த வண்ணத்துப் பூச்சி கம்பியூட்டரில் Paint Brush ல் வரைய மிகவும் கஷ்டம் எனவே வரைய முடியாது என்று கூறினேன். ஆனால் அவனோ முடியாது கண்டிப்பாக வரைய வேண்டும் என்று அடம் பிடித்தான். வேறு வழி இல்லாமல் அவனுக்காக வரைய ஆரம்பித்தேன். முடிவில் நான் எதிர்பார்த்ததை விட நன்றாகவே படம் இருந்தது. அந்தப் படம் இது தான்.


பேப்பர் மற்றும் பென்சில் பயன்படுத்தி படம் வரைவதற்கும் கம்பியூட்டரில் Paint Brush ல் படம் வரைவதற்கும் நிறைய வித்தியாசங்கள் என்னால் உணர முடிந்தது. கம்பியூட்டரில் Paint Brush ல் ஒரு நன்மை என்னவென்றால் ஒரு படம் வரைந்து விட்டால் அதை copy, paste செய்தால் இன்னொரு படம் கிடைத்துவிடும். இரண்டாவதாக Paint Brush ல் வரைந்த படம் படரும் கொடி. இது என் கற்பனையில் உருவானது.


அன்று ஒரு நாள் என் மன்னவன் வேலை முடிந்து வீட்டிற்கு வர இரவு 12 மணிக்கு மேல் ஆகிவிடும் என்று கூறியதால் அது வரை தூக்கமும் வராதே என்ன செய்யலாம் என்று யோசித்த போது தான் படம் வரையலாம் என்று தோன்றியது. அப்பொழுது என் கற்பனையில் உருவானது தான் இந்தப் படம். அடுத்ததாக வரைந்த படம் இரு கிளிகள்.

இந்தக் கிளிகள் படம் ஒரு வாரஇதழில் வெளி வந்திருந்தது. அதைப் பார்த்து வரைந்தது. இந்தக் கிளிகள் நன்றாக வரைந்துள்ளேன் என்று தோழி ஒருவர் என்னைப் பாராட்டினார். வெகு நாள்களாக இயற்கை காட்சி ஒன்று வரைய வேண்டும் என்று நினைத்துக் கொண்டிருந்தேன். அதற்கான நேரம் இப்போது தான் வந்ததோ என்னவோ இயற்கை காட்சி படம் ஒன்று கண்ணில் பட்டது.


அதை அப்படியே வரையலாம் என்று மிகவும் முயற்சி செய்தேன். ஆனால் அந்த இயற்கை காட்சியில் உள்ள மரத்தைப் போன்று நான் வரைந்த மரம் வரவில்லை. இருந்தாலும் நன்றாகவே இருப்பது போல் எனக்கு தோன்றியது.

Wednesday, June 18, 2008

எனக்கும் கிடைத்தது ஒரு அவார்ட்!!!!!!!

"Nice Matters Award is for those bloggers who are nice people; good blog friends and those who inspire good feelings and inspiration. Also for those who are a positive influence on our blogging world.”
நமது இல்லத்தரசி அவார்ட் மேல அவார்டா வாங்கி குவிக்கிறார்கள். அவர்களுக்கு நமது வாழ்த்துக்கள். நமது வலைப் பூவைப் படித்துப் பார்த்து நல்ல விஷயங்கள் உள்ளன என்று நமக்கு "Nice Matters Award" இல்லத்தரசி வழங்கி உள்ளார்கள். அவர்களுக்கு மனமார்ந்த நன்றி.

Monday, June 16, 2008

PIT ஜூன் 2008 புகைப்படப் போட்டிக்கு பொருத்தமான படங்கள்:

இந்த மாத புகைப்படப் போட்டியின் தலைப்பு " அன்றாட வேலையினூடே ஒரு நாள்". இந்த தலைப்புக்கு பொருந்தும் புகைப்படம் என்னிடம் இல்லையென்பதால் தலைப்புக்கு பொருந்தும் படியான காட்சிகளை கிளிக் செய்ய காத்திருந்தேன். இறுதியில் ஒரு புகைப்படத்தை கிளிக் செய்து அனுப்பியாச்சு. எனக்கு ஒரு வினோத பழக்கம் உண்டு. பத்திரிகை படிக்கும் பொழுது அதில் போடும் சில படங்கள் என்னைக் கவரும். அந்தப் படங்களை எனது கணினியில் சேமித்து வைக்கும் பழக்கம் தான் அது. அப்படி 2008 பிப்ரவரி, 2008 ஏப்ரல் மாதங்களில் வந்த படங்கள் இந்த போட்டிக்கு மிகவும் பொருத்தமான படங்கள். அவை உங்கள் பார்வைக்கு:






Wednesday, June 11, 2008

PIT - ஜூன் 2008 புகைப்படப் போட்டிக்கான பதிவு:


வீதிகளைச் சுத்தப்படுத்தும் இவரைப் போன்றவர்கள் இல்லையென்றால்....... நம் வீதிகள் எப்படி இருக்கும் என்று நினைத்துப் பார்க்கவே பயமாக இருக்கிறது.

Saturday, May 31, 2008

முகம் பளபளக்க சில டிப்ஸ்:

பெண்கள் தங்கள் முகத்தைப் பளபளப்பாகவும் அழகாகவும் வைத்திருக்க சில வழிமுறைகள் :

* எலுமிச்சம் பழச்சாற்றை வெதுவெதுப்பான பாலேட்டில் கலந்து முகத்தில் பூசி பதினைந்து நிமிடங்கள் ஊறிய பின் கழுவி வரவும்.

* பப்பாளிப் பழத்தை முகத்தில் பூசி ஊற வைத்துப் பதினைந்து நிமிடங்கள் கழித்துக் குளிக்கவும்.

* வாழைப் பழத்தைப் பிசைந்து முகத்தில் பூசி பதினைந்து நிமிடங்கள் கழித்து வெதுவெதுப்பான நீரில் கழுவி வரவும்.

* தக்காளிப் பழத்தை அரைத்து கொஞ்சம் பால், எலுமிச்சம் பழச்சாறு கலந்து முகத்தில் பூசி ஊற வைத்து பதினைந்து நிமிடங்கள் கழித்து கழுவி வரவும்.

* பச்சைப் பயறைத் தோலுடன் அரைத்து மாவாக்கி அதை நீரில் குழைத்து முகத்தில் நன்றாகத் தடவி ஊற விட்டு பதினைந்து நிமிடங்கள் கழித்துக் கழுவி வரவும். முகத்தில் எண்ணெய் வழியாது.

* வெள்ளரிக்காய்ச் சாறு எடுத்து சிறிது பால் கலந்து அதில் பஞ்சை நனைத்து முகத்தில் கீழிருந்து மேலாக அழுத்தித் தேய்த்து வரவும்.

* தக்காளியை அரை வேக்காடாக சமைத்து உண்டு வரவும். புத்துணர்ச்சியும் அளிக்கும்.

Thursday, May 1, 2008

PIT - May 2008 புகைப்படப்போட்டிக்கான பதிவு


நமது கேமராவில் சிக்கிய ஜோடி இது. படத்தைக் கிளிக் செய்து பெரிதாக்கிப் பார்க்கவும்.

Sunday, April 20, 2008

பெட் வாங்கப் போறீங்களா ????????

பெட் வாங்கப் போறீங்களா கொஞ்சம் கவனமா இருந்துக்கோங்க. நாம் இந்த நிலைமையில் இருந்தால் வெளியில் சிரித்தாலும் மனதுக்குள் கோபம் வரும் தானே ?????

Thursday, April 17, 2008

தக்காளி தரும் அழகு:

நாம் அன்றாடம் உணவுக்கு பயன்படுத்தும் காய்களில் தக்காளி பெரும் பங்கு வகிக்கிறது. இது உணவுக்கு சுவை தருவதோடு பல்வேறு மருத்துவக் குணங்களைக் கொண்டுள்ளது. அதோடு மட்டுமல்லாமல் தள தள மேனி தருகிறது இந்த தக்காளி. இதில் குறைந்த அளவு மாவுச் சத்து உள்ளதால் நீரிழிவுப் பிணியாளர்களுக்கு அருமையான மருந்துச் சாறாக தக்காளிச் சாறு பயன்படுகிறது. இந்த தக்காளி முகப்பொலிவு மற்றும் இளமையைக் கூட்ட உதவுகிறது. இரத்த சோகை மற்றும் வாயுத் தொல்லையை விலக்குகிறது.

முகத்தைப் பள பளவென வைத்திருக்க சில வழிகள்:

1. ஒரு தக்காளியின் சாறுடன் கால் டீஸ்பூன் ரவையை கலந்து கொள்ளவும். இதை நன்றாக முகத்தில் தேய்த்து கழுவவும். தொடர்ந்து இதைச் செய்து வந்தால் முகம் சூரியனாக பிரகாசிக்கும்.

2. ஒரு தக்காளியை எடுத்து கூழாக்கிக் கொள்ளவும். இதனுடன் அரை டீஸ்பூன் தயிரைக் கலந்து கொள்ளவும். இதை முகத்துக்குப் பூசி 5 நிமிடம் கழித்து கழுவவும். முகம் மிருதுவாகி தங்கம் போல் தக தகவென ஜொலிக்கும்.

3. ஒரு வெள்ளரித்துண்டு, அரை தக்காளி இரண்டையும் அரைத்துக் கொள்ளவும். இமைகளின் மேல் இந்த கலவையைப் பூசி 2 நிமிடம் கழித்துக் கழுவவும். ஓரிரு வாரங்கள் இதைச் செய்து வந்தால் கண்ணுக்கு கீழ் உள்ள கருவளையம் காணாமல் போவதுடன் கண்களும் பளிச்சென்று இருக்கும்.

Wednesday, April 9, 2008

புகைப்படப் போட்டிக்கான பதிவு

தனிமையில் இனிமை காண்போர் சிலர், தனிமையை இனிமை ஆக்குவோர் சிலர், தனிமையில் வெறுமை அடைவோர் பலர், தனிமையில் பணி செய்ய விரும்புவோர் சிலர், கட்டாயத்திற்காக தனிமையில் பணி செய்வோர் பலர் . இப்படி தனிமை ஒவ்வொருவருக்கும் ஒவ்வொரு அர்த்தத்தைத் தருகிறது. நம் புகைப்பட நாயகன் தனிமையில் பணி செய்தாலும் தனது பணியை நேர்த்தியாக செய்து முடித்திருந்தார்.

இந்த மாத புகைப்படப் போட்டிக்கான தலைப்பு "தனிமை" அதிலே நீங்களும் சேருங்கள் என்று உற்சாகப்படுத்திய இல்லத்தரசிக்கு நன்றி.

Saturday, April 5, 2008

சிரிக்கலாம் வாங்க:

நகைச்சுவை 1:

ஒரு கணினி நிறுவனம் தங்கள் நிறுவனத்தில் வேலை செய்யும் மூன்று சாப்ட்வேர் என்ஜினியர்களையும் மூன்று ஹார்ட்வேர் என்ஜினியர்களையும் ஒரு கணினி மாநாட்டிற்காக அனுப்பினர். அவர்கள் அனைவரும் ரயிலில் பயணம் செய்ய முடிவெடுத்தனர். ஹார்ட்வேர் என்ஜினியர்கள் மூன்று டிக்கெட் வாங்கினர் . சாப்ட்வேர் என்ஜினியர்கள் ஒரே ஒரு டிக்கெட் வாங்கினர். இதைக் கவனித்த ஹார்ட்வேர் என்ஜினியர்கள், ரயிலில் டிக்கெட் பரிசோதகர் வருவார் நீங்கள் மாட்டிக்கொள்வீர்கள் என்றனர்.

அவர்கள் கூறியது போலவே டிக்கெட் பரிசோதகர் வந்தார். சாப்ட்வேர் என்ஜினியர்கள் மூன்று பெரும் கழிவறையில் ஒளிந்து கொண்டனர். டிக்கெட் பரிசோதகர் வந்து கதவைத் தட்டி டிக்கெட் கேட்டார். அவர்கள் ஒரு டிக்கெட்டை கதவின் அடி வழியாக கொடுத்தனர். டிக்கெட் பரிசோதகர் டிக்கெட்டை பரிசோதித்து விட்டு திருப்தியாக சென்றார். சாப்ட்வேர் என்ஜினியர்களின் இந்தச் செயல், ஹார்ட்வேர் என்ஜினியர்களைக் கவர்ந்தது.
மாநாடு முடிந்து மீண்டும் ரயிலில் பயணம் செய்வதற்காக ரயில் நிலையத்தை அடைந்தனர். இந்த முறை ஹார்ட்வேர் என்ஜினியர்கள், சாப்ட்வேர் என்ஜினியர்கள் முன்பு செய்தது போல நாம் ஒரே ஒரு டிக்கெட் வாங்கலாம் என்று முடிவெடுத்து ஒரு டிக்கெட் வாங்கினர். ஆனால் இந்த முறை சாப்ட்வேர் என்ஜினியர்கள் டிக்கெட் எதுவும் வாங்கவில்லை. இதைக் கவனித்த ஹார்ட்வேர் என்ஜினியர்கள், ரயிலில் டிக்கெட் பரிசோதகர் வருவார் நீங்கள் மாட்டிக்கொள்வீர்கள் என்றனர்.

அவர்கள் கூறியது போலவே டிக்கெட் பரிசோதகர் வந்தார். இந்த முறை ஹார்ட்வேர் என்ஜினியர்கள் மூன்று பெரும் கழிவறையில் ஒளிந்து கொண்டனர். சாப்ட்வேர் என்ஜினியர்களில் ஒருவர் கழிவறைக்குச் சென்று கதவைத் தட்டி டிக்கெட் கேட்டார். ஹார்ட்வேர் என்ஜினியர்கள் டிக்கெட் பரிசோதகர் தான் டிக்கெட் கேட்கிறார் என்று நினைத்து டிக்கெட்டைக் கொடுத்தனர். சாப்ட்வேர் என்ஜினியர்கள் மூன்று பெரும் அடுத்தக் களிவறைக்குச் சென்று ஒளிந்து கொண்டனர்.

Friday, March 28, 2008

பார்க்க சிரிக்க :-)

இது தான் காலை வாரி விடுதல் என்பதோ?????

Thursday, March 27, 2008

பறவைகள் சரணாலையம்


இந்த வீடியோவை பார்க்கும் போது ஏதோ பறவைகள் சரணாலையத்தைப் பார்ப்பது போல் இருக்கும். ஆனால் இது மனிதர்கள் வசிக்கும் அடுக்குமாடி குடியிருப்பு. அடுக்குமாடி குடியிருப்புக்குப் பின்னால் இருக்கும் மரங்கள் தான் இந்தப் பறவைகளின் குடியிருப்பு. இரவு மணி 6.45 லிருந்து ஒவ்வொரு பறவையாக வரத் துவங்கும் இவை, அனைத்துப் பறவைகளும் வரும் வரை வானில் வட்டமடித்துக்கொண்டிருக்கும். அனைத்து பறவைகளும் வந்த பிறகு ஒவ்வொரு மரத்திலும் சென்று அமரும். இந்தப் பறவைகள் வந்தமரும் மரங்கள் கார் பார்கிங் இடத்தில் இருப்பதால் இந்தப் பறவைகளின் அபிசேகதிற்கு பயந்து கார் ஓட்டுநர்கள் தங்கள் கார்களை இங்கு நிறுத்தவே இல்லை.

இரவு நேரத்தில் பறவைகள் அமர்ந்திருக்கும் மரங்களைப் பார்த்தால் மரங்களில் ஏதோ காய் காய்த்திருப்பது போன்று இருக்கும். இரவு நேரத்திற்கு தங்களது குடியிருப்பை மனிதர்களின் குடியிருப்பிற்கு மிக அருகில் தேர்ந்து எடுத்த இந்தப் பறவைகள் அதிகாலை 5 மணிக்கே பறந்து சென்று விடும். மீண்டும் மாலை 6.45 மணிக்கு ஒவ்வொன்றாக வரத்துவங்கும்.

இந்தப் பறவைகளின் வருகை முதல் இரண்டு மூன்று நாட்களுக்கு குடியிருப்பு வாசிகளுக்கு வினோதமாகவும் மகிழ்ச்சியாகவும் இருந்தாலும் பறவைகளின் அபிசேகத்தால் கார் ஓட்டுநர்களுக்கு தங்கள் காரை நிறுத்தமுடியவில்லை. பறவைகளின் அபிசேகத்தால் வந்த வாடை குடியிருப்பு வாசிகளுக்கு அருவருப்பைத் தந்தது. குடியிருப்பு துப்புரவாளருக்கு தினமும் பறவைகளின் அபிசேகத்தை கழுவி சுத்தம் செய்யும் வேலை.

இரவு நேரத்திற்கு தங்களது குடியிருப்பை மனிதர்களின் குடியிருப்பிற்கு மிக அருகில் தேர்ந்து எடுத்த இந்தப் பறவைகள் தாங்கள் மனிதர்களுக்கு பலவிதங்களில் இடையூறாக இருப்பதை ஐந்தறிவு கொண்ட இந்த ஜீவன்கள் உணர்ந்திருக்க நியாயமில்லை தான்.

Wednesday, March 19, 2008

நான் ரசித்த காட்சி :-)

என் கைவண்ணத்தில் மிளிரும் இந்த படம் நான் ரசித்த இயற்கை காட்சி. Singapore சீனத் தோட்டத்தில் நான் ரசித்த காட்சி இது. அன்று காலநிலை மிகவும் வெயில் இல்லாமல் மழை மேகமாக இருந்தது. பச்சைப் பசேல் என்று இருக்கும் மரங்களும், அழகான நீர்நிலையும் மழைமேகமும் சேர்ந்து என்னை மிகவும் கவர்ந்தது. என்ன தான் செயற்கையாக உருவாக்கப்பட்டிருந்தாலும் நம் கண்களைக் கவரும் எழில்மிகு காட்சி இது.

Tuesday, March 18, 2008

என்னை கவர்ந்த நகைச்சுவைகள் :-)

" Make them laugh help them learn" என்ற புத்தகத்தில் என்னை கவர்ந்த சில நகைச்சுவைகள் :-

நகைச்சுவை ஒன்று :

இரு பெரிய செல்வந்தர்கள் பேசிக்கொண்டிருந்தனர். முதல் செல்வந்தர் சொன்னார், என்னுடைய கார் ஓட்டுநர் ஒரு முட்டாள் அதை நிரூபிக்கிறேன் பார் என்று சொல்லி தனது ஓட்டுநரை அழைத்து பத்து ரூபாயை கொடுத்து ஒரு புதிய "Mercedes Benz" கார் வாங்கி வா என்று சொன்னார். கார் ஓட்டுநரும் "சரி ஐயா" என்று சொல்லி விடை பெற்றான். சரி இப்பொழுது என்னுடைய கார் ஓட்டுநரின் முட்டாள்தனத்தை பார் என்று சொல்லி தன்னுடைய ஓட்டுநரை இரண்டாவது செல்வந்தர் அழைத்து "என்னுடைய வீட்டிற்கு சென்று நான் அங்கே இருக்கிறேனா என்று பார்த்து வா என்று சொன்னார். கார் ஓட்டுநரும் "சரி ஐயா" என்று சொல்லி விடை பெற்றான்.

விடை பெற்ற இரு ஓட்டுநர்களும் வழியில் சந்தித்துக் கொண்டனர். முதல்வன் சொன்னான் என்னுடைய முதலாளி ஒரு முட்டாள், அவர் என்னிடம் பத்து ரூபாய் தந்து "Mercedes Benz" கார் வாங்கி வரச் சொன்னார். இன்று ஞாயிற்றுகிழமை கார் showroom மூடியிருக்கும் என்று கூடத் தெரியாத முட்டாளாக இருக்கிறார் என்று சொன்னான்.

இரண்டாமவன் சொன்னான் அது பரவாயில்லை என்னுடைய முதலாளி என்னிடம் அவர் வீட்டிற்கு சென்று அவர் அங்கே இருக்கிறாரா என்று பார்த்து வரச் சொன்னார், அவர் கையில் செல் போன் வைத்திருக்கிறார் அவரே வீட்டிற்கு போன் செய்து அவர் அங்கே இருக்கிறாரா இல்லையா என்று தெரிந்து கொள்ளலாமே அது கூட தெரியாத முட்டாளாக இருக்கிறார் என்றான்.

நகைச்சுவை இரண்டு :

இரு என்ஜின்களைக் கொண்ட ஒரு ரயில் வண்டி ரயில் நிலையத்திலிருந்து புறப்பட்டுச் சென்றது. ஒரு மணி நேரம் கழித்து ரயில் ஒட்டுநர் பயணிகளுக்கு ஓர் அறிவிப்பை வெளியிட்டார். " பயணிகளே உங்களுக்கு ஒரு கெட்ட செய்தியும் ஒரு நல்ல செய்தியும் சொல்லபோகிறேன். கெட்ட செய்தி என்னவென்றால் ரயில் வண்டியில் உள்ள இரு என்ஜின்களில் ஒரு என்ஜின் பழுதாகிவிட்டது. நல்ல செய்தி என்னவென்றால் அடுத்த என்ஜின் நன்றாக இருப்பதால் நாம் செல்ல வேண்டிய இடத்தை அடைந்து விடலாம் " என்றார். ரயில் வண்டி தனது பயணத்தை தொடர்ந்தது.

இன்னொரு மணி நேரம் கழிந்து ரயில் ஓட்டுநர் மீண்டும் ஓர் அறிவிப்பை வெளியிட்டார். " பயணிகளே உங்களுக்கு ஒரு கெட்ட செய்தியும் ஒரு நல்ல செய்தியும் சொல்லபோகிறேன். கெட்ட செய்தி என்னவென்றால் இரண்டாவது எனஜினும் பழுதாகிவிட்டது. நல்ல செய்தி என்னவென்றால் இது ரயில் வண்டி, விமானம் அல்ல "

நகைச்சுவை மூன்று :

ஒருவர் தனது அலுவலகத்துக்கு சென்று கொண்டிருந்தார் . ரயில் நிலையத்தை அடைந்த அவர் அங்கே ஒரு பிச்சைக்காரன் மல்லாந்து ( முதுகு பகுதி தரையில் படும்படியாக ) படுத்துக்கொண்டே சத்தமாக பாடிக்கொண்டே இருந்ததை பார்த்தார் . அந்த பிச்சைக்காரனுக்கு சில நாணயங்களை தர்மம் செய்து விட்டு சென்றார்.

அலுவலகம் முடிந்து திரும்பி வரும் போது அதே பிச்சைக்காரனை பார்த்தார். இப்போது அவன் மார்பு பகுதி தரையில் படும்படியாக படுத்துக்கொண்டே சத்தமாக பாடிக்கொண்டே இருந்தார். அவனுடைய இந்த வினோத செயலைப் பார்த்து, காலையில் மல்லாந்து படுத்துக்கொண்டே பாடிக்கொண்டிருந்தாய் இப்பொழுது மார்பு பகுதி தரையில் படும்படியாக படுத்துக்கொண்டே பாடிக்கொண்டிருக்கிறாயே ஏன் ? என்று கேட்டார். அதற்கு அந்த பிச்சைக்காரன் காலையில் காசெட்டின் ஏ பக்கம் ( A side ) பாடிக் கொண்டிருந்தேன். இப்பொழுது காசெட்டின் பி பக்கம் ( B side ) பாடிக் கொண்டிருக்கேன் என்றான்.